Some of these hymns have more verses than are

found on the CD.

Note: When a letter is in parenthesis ( ) it means that you do not pronounce it. It is called an elision, and is used to reduce the number of syllables (like using e’er instead of ever in a poem). Example: cruent(a) et mystica is pronounced “cruent et mystica”.

1.  O Salutaris Hostia

O Salutaris Hostia Quae caeli pandis ostium: Bella premunt hostilia, Da robur, fer auxilium. Uni trinoque Domino Sit sempiterna gloria, Qui vitam sine termino Nobis donet in patria. Amen.

2.  Tantum Ergo

Tantum ergo Sacramentum Veneremur cernui:

Et antiquum documentum Novo cedat ritui: Praestet fides supplementum Sensuum defectui.

Genitori, Genitoque Laus et jubilatio, Salus, honor virtus quoque Sit et benedictio: Procedenti ab utroque Compar sit laudatio. Amen.

3.  Auctor Beate Saeculi

1. Auctor beate saeculi, Christe Redemptor omnium, Lumen Patris de lumine, Deusque verus de Deo.

2. Amor coegit te tuus Mortale corpus sumere, Ut novus Adam redderes Quod vetus ill(e) abstulerat.

3. Ill(e) amor almus artifex Terrae, marisqu(e) et siderum, Errata patrum miserans, Et nostra rumpens vincula.

4. Non corde discedat tuo Vis ill(a) amoris inclyti: Hoc fonte gentes hauriant Remissionis gratiam.

5. Percuss(um) ad hoc est lancea, Passumqu(e) ad hoc est vulnera, Ut nos lavaret sordibus Unda fluent(e) et sanguine.

6. Iesu tibi sit gloria, Qui Corde fundis gratiam, Cum Patr(e) et almo Spiritu In sempiterna saecula. Amen.

4.  Benedicamus Domino

V. Benedicamus Domino

R. Deo Gratias

5.  Communion – 5^th Sunday after Easter

Cantate Domino, alleluia: cantate Domino, benedicite nomen eius: bene nunciate de die in diem salutare eius, alleluia, alleluia.

6.  Vidi Aquam

Vidi aquam egredientem de templo,

a latere dextero, alleluia:

et omnes, ad quos pervenit aqua ista,

salvi facti sunt, et dicent, alleluia, alleluia.

Confitemini Domino quoniam bonus:

quoniam in saeculum misericordia eius.

Gloria Patri, et Filio, et Spiritui Sancto:

Sicut erat in principio, et nunc, et semper,

et in saecula sæculorum. Amen.

7.  Salve Regina (solemn)

Salve, Regina, mater misericordiæ: Vita, dulcedo, et spes nostra, salve. Ad te clamamus, exsules, filii Hevæ. Ad te suspiramus, gementes et flentes in hac lacrimarum valle. Eia ergo, Advocata nostra, illos tuos misericordes oculos ad nos converte. Et Iesum, benedictum fructum ventris tui, nobis, post hoc exsilium ostende. O clemens: O pia: O dulcis Virgo Maria.

8.  Sung Angelus

Angelus Domini * nuntiavit Mariæ, et concepit de Spiritu Sancto.

Ave Maria, gratia plena, Dominus tecum, benedicta tu in mulieribus, et benedictus fructus ventris tui, Jesus. * Sancta Maria, mater Dei, ora pro nobis peccatoribus, nunc et in hora mortis nostrae. Amen.

Ecce * ancilla Domini, fiat mihi secundum verbum tuum. Ave Maria, etc.

Et Verbum * caro factum est, et habitavit in nobis. Ave Maria, etc.

V. Ora pro nobis, sancta Dei Genitrix.

R. Ut digni efficiamur promissionibus Christi.

9.  Cor Arca Legem Continens

1. Cor, arca legem continens, Non servitutis veteris,

Sed gratiæ, sed veniæ, Sed et misericordiæ.

2. Cor sanctuarium novi Intemeratum foederis,

Templum vetusto sanctius, Velumque sciss(o) utilius.

3. Te vulneratum caritas Ictu patenti voluit,

Amoris invisibilis Ut veneremur vulnera.

4. Hoc sub amoris symbolo Passus cruent(a) et mystica,

Utrumque sacrificium Christus Sacerdos obtulit.

5. Quis non amantem redamet? Quis non redemptus diligat, Et Cord(e) in isto seligat æterna tabernacula?

6. Jesu, tibi sit gloria, Qui Corde fundis gratiam,

Cum Patr(e) et almo Spiritu In sempiterna saecula. Amen.

10.  Te Deum

Te Deum laudamus: te Dominum confitemur. Te æternum Patrem omnis terra veneratur. Tibi omnes Angeli, tibi Caeli et universæ Potestates: Tibi Cherubim et Seraphim incessabili voce proclamant: Sanctus: Sanctus: Sanctus Dominus Deus Sabaoth. Pleni sunt caeli et terra maiestatis gloriæ tuæ. Te gloriosus Apostolorum chorus: Te Prophetarum laudabilis numerus: Te Martyrum candidatus laudat exercitus. Te per orbem terrarum sancta confitetur Ecclesia: Patrem immensæ maiestatis: Venerandum tuum verum et unicum Filium: Sanctum quoque Paraclitum Spiritum. Tu Rex gloriæ, Christe. Tu Patris sempiternus es Filius. Tu ad liberandum suscepturus hominem, non horruisti Virginis uterum. Tu devicto mortis aculeo, aperuisti credentibus regna cælorum. Tu ad dexteram Dei sedes, in gloria Patris. Iudex crederis esse venturus. (Kneel) Te ergo quaesumus, tuis famulis subveni, quos pretioso sanguine redemisti. Aeterna fac cum Sanctis tuis in gloria numerari. Salvum fac populum tuum Domine, et benedic hæreditati tuæ. Et rege eos, et extolle illos usque in æternum. Per singulos dies, benedicamus te. Et laudamus nomen tuum in saeculum, et in saeculum saeculi. Dignare Domine die isto, sine peccato nos custodire. Miserere nostri Domine, miserere nostri. Fiat misericordia tua Domine super nos, quemadmodum speravimus in te. In te Domine speravi: non confundar in æternum.

11.  Ad Regias Agni Dapes

1. Ad regias Agni dapes, Stolis amicti candidis, Post transitum maris Rubri, Christo canamus Principi.

2. Divina cuius caritas Sacrum propinat sanguinem, Almique membra corporis Amor sacerdos immolat.

3. Sparsum cruorem postibus Vastator horret Angelus: Fugitque divisum mare, Merguntur hostes fluctibus.

4. Iam Pascha nostrum Christus est, Paschalis idem victima: Et pura puris mentibus Sinceritatis azyma.

5. O vera caeli victima, Subiecta cui sunt tartara, Soluta mortis vincula, Recepta vitæ praemia.

6. Victor subactis inferis, Trophaea Christus explicat, Caeloqu(e) aperto, subditum Regem tenebrarum trahit.

7. Ut sis perenne mentibus Paschale Iesu gaudium, A morte dira criminum Vitæ renatos libera.

8. Deo Patri sit gloria, Et Filio, qu(i)a mortuis Surrexit, ac Paraclito, In sempiterna saecula. Amen.

12.  Adoremus in Aeternum

Adoremus in æternum sanctissimum Sacramentum.

Laudate Dominum omnes gentes: laudate eum omnes populi. Quoniam fonfirmata est super nos misericordia ejus: et veritas Domini manet in æternum.  Adoremus…

Gloria Patri, Filio, et Spiritui Sancto: Sicut erat in principio, et nunc et semper, et in saecula sæculorum. Amen. Adoremus, etc.

13.  Asperges Me

Asperges me, Domine, hyssopo, et mundabor: lavabis me, et super nivem dealbabor. Miserere mei, Deus, secundum magnam misericordiam tuam. Gloria Patri, et Filio, et Spiritui Sancto: Sicut erat in principio, et nunc, et semper, et in saecula sæculorum. Amen. Asperges me, etc.

14.  Ave Verum

Ave verum Corpus natum de Maria Virgine: Vere passum, immolatum in Cruce pro homine. Cuius latus perforatum fluxit aqua et sanguine: Esto nobis prægustatum mortis in examine. O Iesu dulcis! O Iesu pie! O Iesu fili Mariæ.

15.  Benedictus Es

1. Benedictus es Domine Deus patrum nostrorum.

Et laudabilis et gloriosus in saecula.

2. Et benedictum nomen gloriae tuae, quod es sanctum. Et laudabile et gloriosum in saecula.

3. Benedictus es in templo sancto gloriae tuae. Et laudabilis et gloriosus in saecula.

4. Benedictus es super thronum sanctum regni tui. Et laudabilis et gloriosus in saecula.

5. Benedictus es super sceptrum divinitatis tuae. Et laudabilis et gloriosus in saecula.

16.  Caelestis Urbs Jerusalem

1. Caelestis urbs Jerusalem, Beata pacis visio, Quae celsa de viventibus Saxis ad astra tolleris, Sponsaeque ritu cingeris Mill(e) Angelorum millibus.

2. O sorte nupta prospera, Dotata Patris gloria, Respersa Sponsi gratia, Regina formosissima, Christo iugata Principi, Caeli corusca civitas.

3. Hic margaritis emicant, Patentque cunctis ostia: Virtute namque praevia Mortalis illuc ducitur, Amore Christi percitus Tormenta quisquis sustinet.

4. Scalpri salubris ictibus, Et tunsione plurima, Fabri polita malleo Hanc saxa molem construunt, Aptisque iuncta nexibus Locantur in fastigio.

5. Decus Parenti debitum Sit usquequaqu(e) Altissimo. Natoque Patris unico, Et inclyto Paraclito, Cui laus, potestas, gloria Aeterna sit per saecula. Amen.

V. Domum tuam Domine decet sanctitudo.

R. In longitudinem dierum.

17.  Concordi Laetitia

1. Concordi lætitia, Propulsa mæstitia, Mariæ præconia Recolat Ecclesia: Virgo Maria!

2. Quæ felici gaudio, Resurgente Domino, Floruit ut lilium, Vivum cernens Filium: Virgo Maria!

3. Quam concentu parili Chori laudant caelici, Et nos cum cælestibus Novum melos pangimus: Virgo Maria!

4. O Regina virginum, Votis fave supplicum, Et post mortis stadium, Vitæ confer praemium: Virgo Maria!

5. Gloriosa Trinitas, Indivisa Unitas, Ob Mariae merita, Nos salva per saecula: Virgo Maria! Amen.

18.  Salutis Humanae Sator

1. Salutis humanae Sator, Iesu voluptas cordium, Orbis redempti Conditor, Et casta lux amantium.

2. Qua victus es clementia, Ut nostra ferres crimina, Mortem subires innocens, A morte nos ut tolleres!

3. Perrumpis infernum chaos, Vinctis catenas detrahis: Victor triumpho nobili, Ad dexteram Patris sedes.

4. Te cogat indulgentia, Ut damna nostra sarcias, Tuique vultus compotes, Dites beato lumine.

5. Tu dux ad astr(a) et semita, Sis meta nostris cordibus, Sis lacrimarum gaudium, Sis dulce vitae praemium. Amen.

V. Ascendit Deus in iubilatione, alleluia.

R. Et Dominus in voce tubae, alleluia.

19.  Te Joseph Celebrent

1. Te Ioseph celebrent agmina caelitum: Te cuncti resonet christiadum chori, Qui clarus meritis, junctus es inclytæ Casto foedere Virgini.

2. Almo cum tumidam germine coniugem Admirans, dubio tangeris anxius, Afflatu superi Flaminis Angelus Conceptum puerum docet.

3. Tu natum Dominum stringis, ad exteras Aegypti profugum tu sequeris plagas: Amissum Solymis quaeris, et invenis, Miscens gaudia fletibus.

4. Post mortem reliquos sors pia consecrat, Palmamqu(e) emeritos gloria suscipit: Tu vivens, Superis par frueris Deo, Mira sorte beatior.

5. Nobis summa Trias, parce precantibus: Da Ioseph meritis sidera scandere, Ut tandem liceat nos tibi perpetim Gratum promere canticum. Amen.

20.  O Quam Suavis Est

O quam suavis est, Domine, spiritus tuus! qui ut dulcedinem tuam in filios demonstrares, pane suavissimo de caelo praestito, esurientes reples bonis, fastidiosos divites dimittens inanes.

21.  Panis Angelicus

Panis angelicus fit panis hominum; Dat panis caelicus figuris terminum: O res mirabilis! manducat Dominum Pauper, servus, et humilis.

Te trina Deitas unaque poscimus: Sic nos tu visita, sicut te colimus; Per tuas semitas duc nos quo tendimus, Ad lucem quam inhabitas. Amen.

22.  Tantum Ergo (see #2)

23.  O Quam Glorifica

1. O quam glorifica luce coruscas,

Stirpis Davidicae regia proles!

Sublimis residens, Virgo Maria,

Supra caeligenas aetheris omnes.

2. Tu cum virgineo mater honore,

Ang(e)lorum Domino pectoris aulam

Sacris visceribus casta parasti;

Natus hinc Deus est corpore Christus.

3. Quem cunctus venerans orbis adorat,

cui nunc rite genuflectitur omne;

A quo te, petimus, subveniente,

Abjectis tenebris, gaudia lucis.

4. Hoc largire Pater luminis omnis,

Natum per proprium, Flamine sacro,

Qui tecum nitida vivit in aethra

Regnans, ac moderans saecula cuncta. Amen.

24.  Misericordias Domini

Misericordias Domini in æternum cantabo.

In generationem et generationem annuntiabo veritatem tuam in ore meo. Misericordias, etc.

Gloria Patri, Filio, et Spiritui Sancto: Sicut erat in principio, et nunc et semper, et in saecula sæculorum. Amen. Misericordias, etc.

25.  Te Lucis

1. Te lucis ante terminum, Rerum Creator, poscimus, Ut pro tua clementia, Sis praesul et custodia.

2. Procul recedant somnia, Et noctium phantasmata: Hostemque nostrum comprime, Ne polluantur corpora.

3. Praesta Pater piissime, Patrique compar Unice, Cum Spiritu Paraclito, Regnans per omne saeculum. Amen.

26.  Maria Mater Gratiæ

Maria Mater gratiæ, Dulcis Parens clementiæ, Tu nos ab hoste protégé, Et mortis hora suscipe.

Jesu tibi sit gloria, Qui natus es de Virgine, Cum Patr(e) et almo Spiritu, In sempiterna saecula. Amen.

27.  Confitebor Tibi (Psalm 110)

1. Confitebor tibi Domine in toto corde meo: * in consilio iustorum, et congregatione.

2. Magna opera Domini: * exquisita in omnes voluntates eius.

3. Confessio et magnificentia opus eius: * et iustitia eius manet in saeculum saeculi.

4. Memoriam fecit mirabilium suorum † misericors et miserator Dominus: * escam dedit timentibus se.

5. Memor erit in saeculum testamenti sui: * virtutem operum suorum annuntiabit populo suo

6. Ut det illis haereditatem gentium: * opera manuum eius veritas et iudicium.

7. Fidelia omnia mandata eius † confirmata in saeculum saeculi: * facta in veritate et aequitate.

8. Redemptionem misit populo suo: * mandavit in aeternum testamentum suum.

9. Sanctum et terribile nomen eius: * initium sapientiae timor Domini.

10. Intellectus bonus omnibus facientibus eum: * laudatio eius manet in saeculum saeculi.

11. Gloria Patri, et Filio, * et Spiritui Sancto.

12. Sicut erat in principio, et nunc, et semper, * et in saecula sæculorum. Amen.

28.  Litany of the Blessed Virgin Mary

Kyrie eleison (repeat) Christe eleison (repeat)

Kyrie eleison (repeat) Christe audi nos (repeat)

Christe exaudi nos (repeat)

Pater de caelis Deus, Miserere nobis.

Fili Redemptor mundi Deus, Miserere nobis.

Spiritus Sancte Deus, Miserere nobis.

Sancta Trinitas unus Deus, Miserere nobis.

Sancta Maria, Ora pro nobis.

Sancta Dei Genitrix, Ora pro nobis.

Sancta Virgo virginum, Ora etc.

Mater Christi,

Mater Ecclesiæ,

Mater divinæ gratiæ,

Mater purissima,

Mater castissima,

Mater inviolata,

Mater intemerata,

Mater amabilis,

Mater admirabilis,

Mater boni consilii,

Mater Creatoris,

Mater Salvatoris,

Virgo prudentissima,

Virgo veneranda,

Virgo prædicanda,

Virgo potens,

Virgo clemens,

Virgo fidelis,

Speculum iustitiæ,

Sedes sapientiæ,

Causa nostræ lætitiæ,

Vas spirituale,

Vas honorabile,

Vas insigne devotionis,

Rosa mystica,

Turris davidica,

Turris eburnea,

Domus aurea,

Foederis arca,

Ianua caeli,

Stella matutina,

Salus infirmorum,

Refugium peccatorum,

Consolatrix afflictorum,

Auxilium Christianorum,

Regina Angelorum,

Regina Patriarcharum,

Regina Prophetarum,

Regina Apostolorum,

Regina Martyrum,

Regina Confessorum,

Regina Virginum,

Regina Sanctorum omnium,

Regina sine labe originali concepta,

Regina in cælum assumpta,

Regina sacratissimi Rosarii,

Regina pacis.

Agnus Dei, qui tollis peccata mundi, parce nobis Domine.

Agnus Dei, qui tollis peccata mundi, exaudi nos Domine.

Agnus Dei, qui tollis peccata mundi, miserere nobis.

V. Ora pro nobis, sancta Dei Genitrix.

R. Ut digni efficiamur promissionibus Christi.