Chant Compendium 7 - Gregorian chant collection

Note: When a letter is in parenthesis ( ) it means that you do not pronounce it. Example: “culp(ae) ut relinquant” is pronounced “culp ut relinquant”.

1. Kyrie Eleison (Mass IV)

Kyrie eléison. Kyrie eléison. Kyrie eléison. Christe eléison. Christe eléison. Christe eléison. Kyrie eléison. Kyrie eléison. Kyrie eléison.

2. Gloria In Excelsis Deo (Mass IV)

Gloria in excelsis Deo. Et in terra pax hominibus bonae voluntatis. Laudamus te. Benedicimus te. Adoramus te. Glorificamus te. Gratias agimus tibi propter magnam gloriam tuam. Domine Deus, Rex caelestis, Deus Pater omnipotens. Domine Fili unigenite, Jesu Christe. Domine Deus, Agnus Dei, Filius Patris, Qui tollis peccata mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus Sanctus. Tu solus Dominus. Tu solus Altissimus, Jesu Christe. Cum Sancto Spiritu in gloria Dei Patris. Amen.

3. O Salutaris Hostia

O Salutaris Hostia Quae caeli pandis ostium: Bella premunt hostilia, Da robur, fer auxilium.

Uni trinoque Domino Sit sempiterna gloria, Qui vitam sine termino Nobis donet in patria. Amen.

4. Tantum Ergo VI

Tantum ergo Sacramentum Veneremur cernui: Et antiquum documentum Novo cedat ritui: Praestet fides supplementum Sensuum defectui.

Genitori, Genitoque Laus et jubilatio, Salus, honor virtus quoque Sit et benedictio: Procedenti ab utroque Compar sit laudatio. Amen.

5. Benedicamus Domino

V. Benedicamus Domino

R. Deo Gratias

6. Ave Maris Stella

1. Ave maris stella, Dei Mater alma, Atque semper Virgo, Felix caeli porta.

2. Sumens illud Ave Gabrielis ore, Funda nos in pace, Mutans Hevæ nomen.

3. Solve vincla reis, Profer lumen caecis: Mala nostra pelle, Bona cuncta posce.

4. Monstra t(e) esse matrem: Sumat per te preces, Qui pro nobis natus, Tulit esse tuus.

5. Virgo singularis, Inter omnes mitis, Nos culpis solutos, Mites fac et castos.

6. Vitam praesta puram, Iter para tutum: Ut videntes Iesum, Semper collætemur.

7. Sit laus Deo Patri, Summo Christo decus, Spiritui Sancto, Tribus honor unus. Amen.

7. Kyrie Eleison (Mass I)

(see #1)

8. Sanctus (Mass I)

Sanctus, Sanctus, Sanctus Dominus Deus Sabbaoth. Pleni sunt caeli et terra gloria tua. Hosanna in excelsis. Benedictus qui venit in nomine Domini. Hosanna in excelsis.

9. Agnus Dei (Mass IX)

Agnus Dei, qui tollis peccata mundi: miserere nobis. Agnus Dei, qui tollis peccata mundi: miserere nobis. Agnus Dei, qui tollis peccata mundi: dona nobis pacem.

10. O Salutaris Hostia

(see #3)

11. Tantum Ergo (Hispanic mode)

(see #4)

12. Adoremus in Aeternum

Adoremus in æternum sanctissimum Sacramentum.

Laudate Dominum omnes gentes: laudate eum omnes populi. Quoniam confirmata est super nos misericordia ejus: et veritas Domini manet in æternum. Adoremus…

Gloria Patri, Filio, et Spiritui Sancto: Sicut erat in principio, et nunc et semper, et in saecula sæculorum. Amen. Adoremus…

13. Maria Mater Gratiae

Maria Mater gratiæ, Dulcis Parens clementiæ, Tu nos ab hoste protégé, Et mortis hora suscipe.

Jesu tibi sit gloria, Qui natus es de Virgine, Cum Patr(e) et almo Spiritu, In sempiterna saecula. Amen.

14. Panis Angelicus

Panis angelicus fit panis hominum; Dat panis caelicus figuris terminum: O res mirabilis! manducat Dominum Pauper, servus, et humilis.

Te trina Deitas unaque poscimus: Sic nos tu visita, sicut te colimus; Per tuas semitas duc nos quo tendimus, Ad lucem quam inhabitas. Amen.

15. Tuesday Compline – Intro

Iube domne benedicere.

Noctem quietam et finem perfectum concedat nobis Dominus omnipotens. R. Amen.

(1 Peter 5)

Fratres: Sobrii estote et vigilate: quia adversarius vester diabolus, tamquam leo rugiens, circuit, quaerens quem devoret: cui resistite fortes in fide. Tu autem Domine miserere nobis. R. Deo gratias.

V. Adiutorium nostrum in nomine Domini.

R. Qui fecit caelum et terram.

Pater noster, etc. (silently)

[Priest says Confiteor]

Misereatur tui omnipotens Deus, et dimissis peccatis tuis, perducat te ad vitam aeternam. R. Amen.

[Confiteor recited, recto tono, by all]

Misereatur vestri omnipotens Deus, et dimissis peccatis vestris, perducat vos ad vitam aeternam. R. Amen.

Indulgentiam, absolutionem, et remissionem peccatorum nostrorum tribuat nobis omnipotens et misericors Dominus. R. Amen.

Antiphon: Tu Domine servabis nos, et custodies nos in aeternum.

(Psalm 11)

1. Salvum me fac, Domine, quoniam defecit sanctus,
quoniam diminutæ sunt veritates a filiis hominum.
2. Vana locuti sunt unusquisque ad proximum suum;
labia dolosa, in corde et corde locuti sunt.
3. Disperdat Dominus universa labia dolosa,
et linguam magniloquam.
4. Qui dixerunt: Linguam nostram magnificabimus;
labia nostra a nobis sunt.
Quis noster dominus est?
5. Propter miseriam inopum, et gemitum pauperum,
nunc exsurgam, dicit Dominus.
Ponam in salutari;
fiducialiter agam in eo.
6. Eloquia Domini, eloquia casta; argentum igne examinatum,
probatum terræ, purgatum septuplum.
7. Tu, Domine, servabis nos,
et custodies nos a generatione hac in æternum.
8. In circuitu impii ambulant:
secundum altitudinem tuam multiplicasti filios hominum.
9. Gloria Patri, et Filio, et Spiritui Sancto.

10. Sicut erat in principio, et nunc, et semper, et in saecula saeculorum. Amen.

16. Tuesday Compline – Psalms

(Psalm 12)

1. Usquequo, Domine, oblivisceris me in finem?
usquequo avertis faciem tuam a me?
2. quamdiu ponam consilia in anima mea;
dolorem in corde meo per diem?
3. usquequo exaltabitur inimicus meus super me?
Respice, et exaudi me, Domine Deus meus.
4. Illumina oculos meos, ne umquam obdormiam in morte; nequando dicat inimicus meus: Prævalui adversus eum.
5. Qui tribulant me exsultabunt si motus fuero; ego autem in misericordia tua speravi.
6. Exsultabit cor meum in salutari tuo.
Cantabo Domino qui bona tribuit mihi;
et psallam nomini Domini altissimi.
7. Gloria Patri, et Filio, et Spiritui Sancto.

8. Sicut erat in principio, et nunc, et semper, et in saecula saeculorum. Amen.

(Psalm 15)

1. Conserva me, Domine, quoniam speravi in te.
2. Dixi Domino: Deus meus es tu,
quoniam bonorum meorum non eges.
3. Sanctis qui sunt in terra ejus,
mirificavit omnes voluntates meas in eis.
4. Multiplicatæ sunt infirmitates eorum:
postea acceleraverunt.
Non congregabo conventicula eorum de sanguinibus,
nec memor ero nominum eorum per labia mea.
5. Dominus pars hæreditatis meæ, et calicis mei:
tu es qui restitues hæreditatem meam mihi.
6. Funes ceciderunt mihi in præclaris;
etenim hæreditas mea præclara est mihi.
7. Benedicam Dominum qui tribuit mihi intellectum;
insuper et usque ad noctem increpuerunt me renes mei.
8. Providebam Dominum in conspectu meo semper:
quoniam a dextris est mihi, ne commovear.
9. Propter hoc lætatum est cor meum, et exsultavit lingua mea;
insuper et caro mea requiescet in spe.
10. Quoniam non derelinques animam meam in inferno,
nec dabis sanctum tuum videre corruptionem.
11. Notas mihi fecisti vias vitæ;
adimplebis me lætitia cum vultu tuo:
delectationes in dextera tua usque in finem.
12. Gloria Patri, et Filio, et Spiritui Sancto.

13. Sicut erat in principio, et nunc, et semper, et in saecula saeculorum. Amen.

Repeat Antiphon.

17. Tuesday Compline – Hymns

Te lucis ante terminum, * Rerum Creator, poscimus, Ut pro tua clementia, Sis praesul et custodia.

2. Procul recedant somnia, Et noctium phantasmata: Hostemque nostrum comprime, Ne polluantur corpora.

3. Iesu, tibi sit gloria, Qui natus es de Virgine

Cum Patre et almo Spiritu, In sempiterna saecula. Amen.

Tu autem in nobis es, Domine, † et nomen sanctum tuum invocatum est super nos: * ne derelinquas nos, Domine Deus noster. R. Deo Gratias

In manus tuas, Domine, commendo spiritum meum. (repeat)

Redemisti nos, Domine, Deus veritatis. * Commendo spiritum meum.

Gloria Patri, et Filio, et Spiritui Sancto. * In manus, etc.

V. Custodi nos, Domine, ut pupillam oculi.

R. Sub umbra alarum tuarum protege nos.

Antiphon: Salva nos, * Domine, vigilantes, custodi nos dormientes: ut vigilemus cum Christo, et requiescamus in pace.

1. Nunc dimittis servum tuum Domine, * secundum verbum tuum in pace:

2. Quia viderunt oculi mei * salutare tuum:

3. Quod parasti * ante faciem omnium populorum:

4. Lumen ad revelationem gentium, * et gloriam plebis tuae Israel.

5. Gloria Patri, et Filio, * et Spiritui Sancto.

6. Sicut erat in principio, et nunc, et semper, * et in saecula saeculorum. Amen.

Repeat Antiphon.

V. Dominus vobiscum. R. Et cum spiritu tuo.

Oremus. Visita, quaesumus Domine, habitationem istam, et omnes insidias inimici ab ea longe repelle: † Angeli tui sancti habitent in ea, qui nos in pace custodiant; * et benedictio tua sit super nos semper. Per Dominum nostrum Jesum Christum Filium tuum: † qui tecum vivit et regnat in unitate Spiritus Sancti Deus, * per omnia saecula saeculorum. R. Amen.

V. Dominus vobiscum. R. Et cum spiritu tuo.

Benedicamus Domino. R. Deo gratias.

Benedicat et custodiat nos omnipotens et misericors Dominus, Pater, et Filius, et Spiritus Sanctus. R. Amen.

Ave Regina caelorum, Ave Domina Angelorum: Salve radix, salve porta, Ex qua mundo lux est orta: Gaude Virgo gloriosa, Super omnes speciosa: Vale, o valde decora, Et pro nobis Christum exora.

V. Dignare me laudare te Virgo sacrata.

R. Da mihi virtutem contra hostes tuos.

Oremus
Concede, misericors Deus, fragilitati nostrae praesidium; ut, qui sanctae Dei Genetricis memoriam agimus; intercessionis eius auxilio, a nostris iniquitatibus resurgamus. Per eundem Christum Dominum nostrum. Amen.
V. Divinum auxilium maneat semper nobiscum. R. Amen.

18. Cor Arca

1. Cor, arca legem continens, Non servitutis veteris, Sed gratiæ, sed veniæ, Sed et misericordiæ.

2. Cor sanctuarium novi Intemeratum foederis,

Templum vetusto sanctius, Velumque sciss(o) utilius.

3. Te vulneratum caritas Ictu patenti voluit,

Amoris invisibilis Ut veneremur vulnera.

4. Hoc sub amoris symbolo Passus cruent(a) et mystica, Utrumque sacrificium Christus Sacerdos obtulit.

5. Quis non amantem redamet? Quis non redemptus diligat, Et Cord(e) in isto seligat æterna tabernacula?

6. Jesu, tibi sit gloria, Qui Corde fundis gratiam,

Cum Patr(e) et almo Spiritu In sempiterna saecula. Amen.

19. O Salutaris Hostia (Lent)

(see #3)

20. Tantum Ergo (Mozarabic mode)

(see #4)

21. Tu Es Pastor Ovium

Tu es Pastor ovium, Princeps Apostolorum: tibi traditae sunt claves regni caelorum.

V. Tu es Petrus,

R. Et super hanc petram aedificabo Ecclesiam meam.

22. Regina Caeli (Simple)

Regina caeli laetare, alleluia: Quia quem meruisti portare, alleluia: Resurrexit, sicut dixit, alleluia: Ora pro nobis Deum, alleluia.

V. Gaude et lætare Virgo Maria, alleluia.

R. Quia surrexit Dominus vere, alleluia.

23. Sub Tuum Præsidium

Sub tuum præsidium confugimus, sancta Dei Genitrix: nostras deprecationes ne despicias in necessitatibus: sed a periculis cunctis libera nos semper, Virgo gloriosa et benedicta.

24. O Gloriosa Virginum

O gloriosa virginum, sublimis inter sidera, Qui te creavit parvulum, lactente nutris ubere.

Quod Eva tristis abstulit, tu reddis almo germine, Intrent ut astra flebiles, caeli recludis cardines.

Tu Regis Alti janua et aula lucis fulgida, Vitam datam per Virginem, gentes redemptae plaudite.

Jesu Tibi sit gloria, Qui natus es de Virgine, Cum Patr(e) et Almo Spiritu, in sempiterna saecula. Amen.

25. Aeterne Rex Altissime

1. Aeterne Rex altissime, Redemptor et fidelium, Cui mors perempta detulit Summae triumphum gloriae.

2. Ascendis orbes siderum Quo te vocabat caelitus Collata non humanitus, Rerum potestas omnium.

3. Ut trina rerum machina, Caelestium, terrestrium, Et inferorum condita, Flectat genu iam subdita.

4. Tremunt videntes Angeli Versam vicem mortalium: Peccat caro, mundat caro, Regnat Deus Dei caro.

5. Sis ipse nostrum gaudium Manens olympo praemium, Mundi regis qui fabricam, Mundana vincens gaudia.

6. Hinc te precantes quaesumus, Ignosce culpis omnibus, Et corda sursum subleva Ad te superna gratia.

7. Ut cum repente coeperis Clarere nube Judicis, Poenas repellas debitas, Reddas coronas perditas.

8. Jesu, tibi sit gloria, Qui victor in caelum redis, Cum Patr(e) et almo Spiritu, In sempiterna saecula. Amen.

26. Pange Lingua Gloriosi

1. Pange lingua gloriosi Corporis mysterium, Sanguinisque pretiosi, Quem in mundi pretium Fructus ventris generosi, Rex effudit gentium.
2. Nobis datus, nobis natus Ex intacta Virgine Et in mundo conversatus, Sparso verbi semine, Sui moras incolatus Miro clausit ordine.
3. In supremae nocte coenae Recumbens cum fratribus, Observata lege plene Cibis in legalibus, Cibum turbae duodenae Se dat suis manibus
4. Verbum caro, panem verum Verbo carnem efficit: Fitque sanguis Christi merum, Et si sensus deficit, Ad firmandum cor sincerum Sola fides sufficit.
5. Tantum ergo Sacramentum Veneremur cernui: Et antiquum documentum Novo cedat ritui: Praestet fides supplementum Sensuum defectui.
6. Genitori, Genitoque Laus et iubilatio, Salus, honor, virtus quoque Sit et benedictio: Procedenti ab utroque Compar sit laudatio. Amen.

27. Libera Me

Libera me, Domine, de morte aeterna, in die illa tremenda: Quando caeli movendi sunt et terra: Dum veneris judicare saeculum per ignem. V. Tremens factus sum ego, et timeo, dum discussio venerit, atque ventura ira. Quando caeli movendi sunt et terra. V. Dies illa, dies irae, calamitatis et miseriae, dies magna et amara valde. Dum veneris judicare saeculum per ignem. Requiem aeternam dona eis Domine: et lux perpetua luceat eis.

Chant Compendium 7