Note: When a letter is in parenthesis ( ) it means that you do not pronounce it. Example: “Patr(e) et almo” is pronounced “Pa-tret-al-mo”.

 

 

1. Vespers – Sacred Heart

(Part 1)

 

V. Deus in adiutorium meum intende.

R. Domine ad adiuvandum me festina.

Gloria Patri, et Filio, et Spiritui Sancto. Sicut erat in principio, et nunc, et semper, et in saecula sæculorum. Amen. Alleluia.

 

Antiphon 1: Dixit Dominus Domino meo: Sede a dextris meis.

 

Psalm 109 – Dixit Dominus

1. Dixit Dominus Domino meo: * Sede a dextris meis.

2. Donec ponam inimicos tuos, * scabellum pedum tuorum.

3. Virgam virtutis tuae emittet Dominus ex Sion: * dominare in medio inimicorum tuorum.

4. Tecum principium in die virtutis tuae in splendoribus sanctorum: * ex utero ante luciferum genui te.

5. Iuravit Dominus, et non paenitebit eum: * Tu es sacerdos in aeternum secundum ordinem Melchisedech.

6. Dominus a dextris tuis, * confregit in die irae suae reges.

7. Iudicabit in nationibus, implebit ruinas: * conquassabit capita in terra multorum.

8. De torrente in via bibet: * propterea exaltabit caput.

9. Gloria Patri, et Filio, * et Spiritui Sancto.

10. Sicut erat in principio, et nunc, et semper, * et in saecula sæculorum. Amen.

Repeat Antiphon 1.

 

(2nd Psalm is not present on this recording)

 

Antiphon 3: In caritate perpetua dilexit nos Deus, ideo exaltatus a terra, attraxit nos ad Cor suum miserans.

 

Psalm 115 - Credidi

1. Credidi propter quod locutus sum * Ego autem humiliatus sum nimis.

2. Ego dixi in excessu meo * Omnis homo mendax.

3. Quid retribuam Domino * pro omnibus quae retribuit mihi.

4. Calicem salutaris accipiam: * et nomen Domini invocabo.

5. Vota mea Domino reddam coram omni populo eius: * pretiosa in conspectu Domini mors sanctorum eius.

6. O Domine quia ego servus tuus: * Ego servus tuus et filius ancillae tuae.

7. Dirupisti vincula mea: + tibi sacrificabo hostiam laudis, * et nomen Domini invocabo.

8. Vota mea Domino reddam in conspectu omnis populi eius: * in atriis domus Domini in medio tui Jerusalem.

9. Gloria Patri, et Filio, * et Spiritui Sancto.

10. Sicut erat in principio, et nunc, et semper, * et in saecula sæculorum. Amen.

Repeat Antiphon 3.

 

Antiphon 4: Venite ad me omnes qui laboratis et onerati estis et ego reficiam vos.

 

Psalm 127 – Beati omnes

1. Beati omnes qui timent Dominum, * qui ambulant in viis eius.

2. Labores manuum tuarum quia manducabis: *  beatus es et bene tibi erit.

3. Uxor tua sicut vitis abundans, * in lateribus domus tuae.

4. Filii tui sicut novellae olivarum, * in circuitu mensae tuae.

5. Ecce sic benedicetur homo * qui timet Dominum.

6. Benedicat tibi Dominus ex Sion: * et videas bona Jerusalem omnibus diebus vitae tuae.

7. Et videas filios filiorum tuorum, * pacem super Israel.

8. Gloria Patri, et Filio, * et Spiritui Sancto.

9. Sicut erat in principio, et nunc, et semper, * et in saecula sæculorum. Amen.

Repeat Antiphon 4.

 

2. Vespers – Sacred Heart

(Part 2)

 

Antiphon 5: Fili praebe mihi cor tuum et oculi tui custodiant vias meas.

 

Psalm 147 – Lauda Jerusalem

1. Lauda Jerusalem Dominum: * lauda Deum tuum Sion.

2. Quoniam confortavit seras portarum tuarum:* benedixit filiis tuis in te.

3. Qui posuit fines tuos pacem: * et adipe frumenti satiat te.

4. Qui emittit eloquium suum terrae: * velociter currit sermo eius.

5. Qui dat nivem sicut lanam: * nebulam sicut cinerem spargit.

6. Mittit crystallum suum sicut buccellas: * ante faciem frigoris eius quis sustinebit.

7. Emittet verbum suum et liquefaciet ea: * flabit spiritus eius et fluent aquae.

8. Qui annuntiat verbum suum Jacob: * justitias et judicia sua Israel.

9. Non fecit taliter omni nationi: * et judicia sua non manifestavit eis.

10. Gloria Patri, et Filio, * et Spiritui Sancto.

11. Sicut erat in principio, et nunc, et semper, * et in saecula sæculorum. Amen.

Repeat Antiphon 5.

 

Capitulum (chapter)                                Ephes. 3.

Fratres: mihi omnium sanctorum minimo, data est gratia haec, in gentibus evangelizare investigabiles divitias Christi; et illuminare omnes, quae sit dispensatio sacramenti absconditi a saeculis in Deo.


Magnificat antiphon: Ad Jesum autem cum venissent, ut viderunt eum jam mortuum, non fregerunt ejus crura: sed unus militum lancea latus ejus aperuit, et continuo exivit sanguis et aqua.

 

Magnificat (Luke 1:46)

1. Magnificat * anima mea Dominum.

2. Et exsultavit spiritus meus * in Deo salutari meo.

3. Quia respexit humilitatem ancillae suae: * ecce enim ex hoc beatam me dicent omnes generationes.

4. Quia fecit mihi magna qui potens est: et sanctum nomen ejus.

5. Et misericordia ejus a progenie in progenies * timentibus eum.

6. Fecit potentiam in brachio suo * dispersit superbos mente cordis sui.

7. Deposuit potentes de sede, * et exaltavit humiles.

8. Esurientes implevit bonis: * et divites dimisit inanes.

9. Suscepit Israel puerum suum, recordatus misericordiæ suæ.

10. Sicut locutus est ad patres nostros * Abraham at semini eius in saecula.

11. Gloria Patri, et Filio, * et Spiritui Sancto.

12. Sicut erat in principio, et nunc, et semper, * et in saecula sæculorum. Amen.

 

Repeat Magnificat antiphon.

 

 

3.  Cogitationes (Introit)

Cogitationes Cordis ejus in generatione et generationem: ut eruat a morte animas eorum et alat eos in fame.

V. Exsultate justi in Domino,

R. rectos decet collaudatio.

Gloria Patri et Filio, et Spiritui Sancto: Sicut erat in principio, et nunc et semper: et in saecula saeculorum. Amen.

Repeat Cogitationes.


4. Kyrie (Mass XII)

Kyrie eléison.  Kyrie eléison. Kyrie eléison. Christe eléison. Christe eléison. Christe eléison. Kyrie eléison.  Kyrie eléison. Kyrie eléison.

 

5.  Gloria (Mass XII)

Gloria in excelsis Deo. Et in terra pax hominibus bonae voluntatis. Laudamus te. Benedicimus te. Adoramus te. Glorificamus te. Gratias agimus tibi propter magnam gloriam tuam. Domine Deus, Rex caelestis, Deus Pater omnipotens. Domine Fili unigenite, Jesu Christe. Domine Deus, Agnus Dei, Filius Patris, Qui tollis peccata mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus Sanctus. Tu solus Dominus. Tu solus Altissimus, Jesu Christe. Cum Sancto Spiritu in gloria Dei Patris. Amen.

 

6.  Alleluia – Feast of the Sacred Heart

Alleluia. Alleluia. Tollite jugum meum super vos et discite a me, quia mitis sum et humilis Corde, et invenietis requiem animabus vestris.

 

7.  Solemn Preface – Feast of Corpus Christi

V. Per omnia saecula saeculorum. R. Amen.

V. Dominus vobiscum. R. Et cum spiritu tuo.

V. Sursum corda. R. Habemus ad Dominum.

V. Gratias agamus Domino Deo Nostro. R. Dignum et justum est.

 

Vere dignum et justum est, aequum et salutare, nos tibi semper et ubique gratias agere: Domine, sancte Pater, omnipotens aeterne Deus: per Christum Dominum nostrum. Qui remotis carnalium victimarum inanibus umbris, Corpus et Sanguinem suum nobis in sacrificium commendavit: ut in omni loco offeratur nomini tuo, quae tibi sola complacuit, oblatio munda. In hoc igitur inscrutabilis sapientiae et immensae caritatis mysterio, idipsum quod semel in Cruce perfecit, non cessat mirabiliter operari, ipse offerens ipse et oblatio. Et nos, unam secum hostiam effectos, ad sacrum invitat convivium, in quo ipse cibus noster sumitur, recolitur memoria passionis ejus, mens impletur gratia, et futurae gloriae nobis pignus datur. Et ideo cum Angelis et Archangelis, cum Thronis et Dominationibus, cumque omni militia caelestis exercitus, hymnum gloriae tuae canimus, sine fine dicentes:

 

8.  Sanctus (Mass XII)

Sanctus, Sanctus, Sanctus Dominus Deus Sabbaoth. Pleni sunt caeli et terra gloria tua. Hosanna in excelsis. Benedictus qui venit in nomine Domini. Hosanna in excelsis.

 

9.  Agnus Dei (Mass XII)

Agnus Dei, qui tollis peccata mundi: miserere nobis. Agnus Dei, qui tollis peccata mundi: miserere nobis. Agnus Dei, qui tollis peccata mundi: dona nobis pacem.

 

 

 

10.  Sunday Compline – Intro (Cor Arca)

1. Cor, arca legem continens, Non servitutis veteris, Sed gratiæ, sed veniæ, Sed et misericordiæ.

2. Cor sanctuarium novi Intemeratum foederis,

Templum vetusto sanctius, Velumque sciss(o) utilius.

3. Te vulneratum caritas Ictu patenti voluit,

Amoris invisibilis Ut veneremur vulnera.

4. Hoc sub amoris symbolo Passus cruent(a) et mystica, Utrumque sacrificium Christus Sacerdos obtulit.

5. Quis non amantem redamet? Quis non redemptus diligat, Et Cord(e) in isto seligat æterna tabernacula?

6. Jesu, tibi sit gloria, Qui Corde fundis gratiam,

Cum Patr(e) et almo Spiritu In sempiterna saecula. Amen.

 

V. Converte nos Deus salutaris noster.

R. Et averte iram tuam a nobis.

 

Deus in adiutorium meum intende. R. Domine ad adiuvandum me festina. Gloria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen. Alleluia.

 

11. Sunday Compline – Psalms

 

Antiphon: Miserere * mihi Domine, et exaudi orationem meam.

 

(Psalm 4)

1. Cum invocarem exaudivit me Deus iustitiae meae: * in tribulatione dilatasti mihi.

2. Miserere mei, * et exaudi orationem meam.

3. Filii hominum, usquequo gravi corde? * ut quid diligitis vanitatem et quaeritis mendacium?

4. Et scitote quoniam mirificavit Dominus sanctum suum: * Dominus exaudiet me cum clamavero ad eum.

5. Irascimini, et nolite peccare: †  quae dicitis in cordibus vestris, * in cubilibus vestris compungimini.

6. Sacrificate sacrificium iustitiae, † et sperate in Domino. * Multi dicunt: Quis ostendit nobis bona?

7. Signatum est super nos lumen vultus tui Domine: dedisti laetitiam in corde meo.

8. A fructu frumenti, vini et olei sui, * multiplicati sunt.

9. In pace in idipsum * dormiam et requiescam.

10. Quoniam tu Domine singulariter in spe * constituisti me.

11. Gloria Patri, et Filio, * et Spiritui Sancto.

12. Sicut erat in principio, et nunc, et semper, * et in saecula sæculorum. Amen.

 

(Psalm 90)

1. Qui habitat in adiutorio Altissimi, * in protectione Dei caeli commorabitur.  

2. Dicet Domino: susceptor meus es tu et refugium meum: * Deus meus sperabo in eum.

3. Quoniam ipse liberabit me de laqueo venantium, * et a verbo aspero.

4. Scapulis suis obumbrabit tibi: * et sub pennis eius sperabis.

5. Scuto circumdabit te veritas eius: * non timebis a timore nocturno.

6. A sagitta volante in die † a negotio perambulante in tenebris: *  ab incursu, et daemonio meridiano.

7. Cadent a latere tuo mille † et decem millia a dextris tuis: * ad te autem non appropinquabit.

8. Verumtamen oculis tuis considerabis : * et retributionem peccatorum videbis.

9. Quoniam tu es Domine spes mea : * Altissimum posuisti refugium tuum.

10. Non accedent ad te malum : * et flagellum non appropinquabit tabernaculo tuo.

11. Quoniam angelis suis mandabit de te: *  ut custodiant te in omnibus viis tuis.

12. In manibus portabunt te: * ne forte offendas ad lapidem pedem tuum.

13. Super aspidem et basiliscum ambulabis: * et conculcabis leonem et draconem.

14. Quoniam in me speravit, liberabo eum: * protegam eum, quoniam cognovit nomen meum.

15. Clamabit ad me, et ego exaudiam eum † cum ipso sum in tribulatione: * eripiam eum et glorificabo eum.

16. Longitudine dierum replebo eum: * et ostendam illi salutare meum.

17. Gloria Patri, et Filio, * et Spiritui Sancto.

18. Sicut erat in principio, et nunc, et semper, * et in saecula sæculorum. Amen.

 

(Psalm 133)

1. Ecce nunc benedicite Dominum, * omnes servi Domini:

2. Qui statis in domo Domini, * in atriis domus Dei nostri.

3. In noctibus extollite manus vestras in sancta, * et benedicite Dominum.

4. Benedicat te Dominus ex Sion, * qui fecit caelum et terram.

5. Gloria Patri, et Filio, * et Spiritui Sancto.

6. Sicut erat in principio, et nunc, et semper, * et in saecula saeculorum. Amen.

 

Antiphon: Miserere mihi Domine, et exaudi orationem meam.

 

 

12. Sunday Compline – Hymns

 

Te lucis ante terminum, * Rerum Creator, poscimus, Ut pro tua clementia, Sis praesul et custodia.

2. Procul recedant somnia, Et noctium phantasmata: Hostemque nostrum comprime, Ne polluantur corpora.

3. Iesu, tibi sit gloria, Qui  natus es de Virgine

Cum Patre et almo Spiritu, In sempiterna saecula. Amen.

 

Tu autem in nobis es, Domine, † et nomen sanctum tuum invocatum est super nos: * ne derelinquas nos, Domine Deus noster. R. Deo Gratias

 

In manus tuas, Domine, commendo spiritum meum. (repeat)

Redemisti nos, Domine, Deus veritatis. * Commendo spiritum meum.

Gloria Patri, et Filio, et Spiritui Sancto. * In manus, etc.

 

V. Custodi nos, Domine, ut pupillam oculi.

R. Sub umbra alarum tuarum protege nos.

 

Antiphon: Salva nos, * Domine, vigilantes, custodi nos dormientes: ut vigilemus cum Christo, et requiescamus in pace.

 

1. Nunc dimittis servum tuum Domine, * secundum verbum tuum in pace:

2. Quia viderunt oculi mei * salutare tuum:

3. Quod parasti * ante faciem omnium populorum:

4. Lumen ad revelationem gentium, * et gloriam plebis tuae Israel.

5. Gloria Patri, et Filio, * et Spiritui Sancto.

6. Sicut erat in principio, et nunc, et semper, * et in saecula saeculorum. Amen.

Repeat Antiphon.

 

V. Dominus vobiscum. R. Et cum spiritu tuo.

 

The following block was omitted from the recording:

Oremus. Visita, quaesumus Domine, habitationem istam, et omnes insidias inimici ab ea longe repelle: † Angeli tui sancti habitent in ea, qui nos in pace custodiant; * et benedictio tua sit super nos semper. Per Dominum nostrum Jesum Christum Filium tuum: † qui tecum vivit et regnat in unitate Spiritus Sancti Deus, * per omnia saecula saeculorum. R. Amen.

V. Dominus vobiscum. R. Et cum spiritu tuo.

 

V. Benedicamus Domino. R. Deo gratias.

Benedicat et custodiat nos omnipotens et misericors Dominus, Pater, et Filius, et Spiritus Sanctus. R. Amen.

 

13.  Sunday Compline – Salve Regina

Salve, Regina, mater misericordiæ: Vita, dulcedo, et spes nostra, salve. Ad te clamamus, exsules, filii Hevæ. Ad te suspiramus, gementes et flentes in hac lacrimarum valle. Eia ergo, Advocata nostra, illos tuos misericordes oculos ad nos converte. Et Iesum, benedictum fructum ventris tui, nobis, post hoc exsilium ostende. O clemens: O pia: O dulcis Virgo Maria.
V. Ora pro nobis, sancte Dei Genitrix.

R. Ut digni efficiamur promissionibus Christi.

 

Oremus.

Omnipotens sempiterne Deus, qui gloriosae Virginis Matris Mariae corpus et animam, ut dignum Filii tui habitaculum effici mereretur, Spiritu Sancto cooperante praeparasti: da, ut cujus commemoratione laetamur, ejus pia intercessione ab instantibus malis et a morte perpetua liberemur. Per eumdem Christum Dominum nostrum. Amen.

 

V. Divinum auxilium maneat semper nobiscum.

R. Amen.

 

14.  Audi Filia

Audi filia, et vide, et inclina aurem tuam: quia concupivit rex speciem tuam. Vultum tuum deprecabuntur omnes divites plebis: filiae regum in honore tuo. Adducentur regi virgines post eam: proximae ejus afferentur tibi. Adducentur in laetitia et exsultatione: adducentur in templum regis.

 

15.  Exsultabit cor meum (gradual)

Exsultabit cor meum in salutari tuo: cantabo Domino, quia bona tribuit mihi: et psallam nomini Domini altissimi. Memores erunt nominis tui in omni generatione et generationem: propterea populi confitebuntur tibi in aeternum.

 

16.  O Salutaris Hostia

O Salutaris Hostia Quae caeli pandis ostium: Bella premunt hostilia, Da robur, fer auxilium.

Uni trinoque Domino Sit sempiterna gloria, Qui vitam sine termino Nobis donet in patria. Amen.

 

17.  O Doctor Optime

O Doctor optime, Ecclesiae sanctae lumen, beate Thoma, divinae legis amator: deprecare pro nobis Filium Dei.

 

18.  Tu Es Pastor Ovium

Tu es Pastor ovium, Princeps Apostolorum: tibi traditae sunt claves regni caelorum.

V. Tu es Petrus,

R. Et super hanc petram aedificabo Ecclesiam meam.

 
 

Chant Compendium 8 - www.ChantCd.com